Enrasigament e coesion sociala

L'ais d'enrasigament e coesion sociala de la Plataforma per la Lenga sorgís del besonh de desvolopar de projèctes e d'actuacions amb l'objectiu d'enrasigar las personas que son nòuvengudas al país. Malgrat que la societat catalana a viscut mai d'una epòca d'arribada de personas d'autres endreits, es indobtable que l'ondada migratòria de l'an 2000 es la qu'a transformat mai prigondament lo país. Aquela data comença d'èsser londana, pr'aquò, de faiçon que cresèm que, estrategicament, cal superar l'envisatjament estrictament ligat a l'acuèlh e afortir l'enrasigament social comprés coma lo sentiment d'apertenença e d'identitat, aitant amb l'entorn mai vesin coma amb las entitats del territòri.

L'objectiu general d'aqueste domeni d'actuacion es de far de la lenga catalana l'ais de vertebracion e lo punt d'encontre de la diversitat sociala, etnica e culturala de la nòstra societat, que permeta de contribuir a l'enrasigament e la coesion sociala.

Dralhas de trabalh:

Enrasigament e participacion ciutadana

Objectiu: Afortir los malhums vesinals que vertèbran la vida quotidiana per tal que apondan lo catalan coma lenga de comunicacion e de coesion dins los afars de la vida de cada jorn.

Administracion publica

Objectiu: Trabalhar pr'amor que lo desvolopament normatiu que concernís la lenga catalana siá aitant ambiciós coma siá possible e respècte menimosament los dreits lingüistics dels ciutadans.

Catalanofòns d'adopcion

Objectiu: Trabalhar pr'amor que l'aquisicion de la lenga catalana siá compresa coma lenga d'identificacion amb tot un environament social per tal que totòm pòsca èsser considerat ciutadan, independentament de la siá origina linguistica.

Coesion de l'entorn social

Objectiu: Ofrir la lenga catalana coma punt d'encontre dins los diferents espacis d'un meteis barri e coma element clau per obrir de frontièras, dins l'encastre de l'interrelacion de valors e de personas.

Agents del mitan professional

Objectiu: Afortir la dimension identificadoira entre lenga e marca e reconéisser la pluralitat linguistica del nòstre mitan professional, en tot integrant las lengas d'origina dels emplegats.

Transmission del discors e argumentari

Objectiu: Promòure la transmission d'experiéncias que cresèm que pòdon èsser utilas a tèrças parts.