Qual sèm

Aqueles son los membres de la nòstra executiva:

  • Òscar Escuder i de la Torre

    Barcelona, 1968 

    President de la Plataforma per la Llengua. Licenciat en medicina e cirurgia per l'Universitat de Barcelona (UB) (1992), especialista en cirurgia maxillofaciala. Membre de la Societat Catalana de Cirurgia Craniomaxillofaciala e la Societat Europèa de Cirurgia Craniomaxillofaciala. Trabalha en cò l'Hospital Parc Taulí de Sabadelh coma director del Servici de Cirurgia Maxillofaciala e dins lo sector privat. Maridat e paire de tres dròlles, desvolopa una intensa activitat esportiva, sustot triatlons.

  • Mireia Plana i Franch

    Barcelona, 1964

    Vice-presidenta de la Plataforma per la Lenga. Licenciada en Filologia Romanica. Postgra en Traduccion Juridica e Administrativa catalan-castelhan-francés. Trabalha a la Generalitat de Catalonha coma sosdirectritz generala de Memòria, Patz e Dreits Humans. Es membre de la Ret d'Innovacion Publica (XIP, Xarxa d'Innovació Pública). 

  • Maria del Mar Forcada i Nogués

    Barcelona, 1971

    Secretària de la Plataforma per la Lenga. Licenciada amb Gra de Sufisença en Recèrca sus Istòria de l'Art per l'Universitat de Barcelona. S'es especializada a far trabalhs de gestion, documentacion e coordinacion dins divèrsas institucions culturalas e mejans de comunicacion del Principat de Catalonha. 

  • Roger Torrents i Serra

    Barcelona, 1976

    Clavaire de la Plataforma per la Lenga. Licenciat en Fisica per l'Universitat de Barcelona. Professionalament estacat a l'informatica e la consultacion sus basas de dadas e intelligéncia de negòci, actualament trabalha dins aqueste meteis domèni en una entrepresa multinacionala. 

  • Manuel Carceller i Safont

    Castelló de la Plana, 1964

    Coordinator territorial de la Plataforma per la Lenga País Valencian. Licenciat en Filologia Catalana per l'Universitat de Valéncia. Es investigator e divulgator sus de cultura populara al País Valencian, e concrètament a la vila de Castelló. 

  • Irene Coghene

    Alguer, 1982.

    Coordinatora territoriala de la Plataforma per la Lenga de l'Alguer e representa aquela entitat dins la Consulta Civica per las Politicas Lingüisticas del Catalan de l'Alguer. Licenciada en dreit per l'Universitat de Sàsser (2008). Trabalha en projèctes municipals coma lo Mestièr Lingüistic. Dins lo domèni associatiu, tre pichona es estada estacada a l'escoltisme, e tanben es estada fondatora e primièra presidenta del Centre Excursionista de l'Alguer. 

  • Lluís Duran Soley

    Sabadell, 1991

    Coordinator territorial de la Plataforma per la Lenga del Valhés Occidental. Gra en Sciéncia Politica e Gestion Publica a l'Universitat Autonòma de Barcelona (UAB). Trabalha coma tecnician d'economia. Es estat engatjat a divèrsas organizacions del malhum associatiu de la vila de Sabadell. 

  • Josep-Anton Fernàndez i Montolí

    Barcelona, 1963

    Licenciat en Filologia Catalana per l'Universitat Autonòma de Barcelona (UAB) e doctor en Lengas Modèrnas per l'Universitat de Cambridge. Professor agregat d'Estudis Catalans de l'Universitat Obèrta de Catalonha (UOC). De 1993 a 2006 foguèt professor a l'Universitat de Londres, ont fondèt lo Centre pels Estudis Catalans [Centre for Catalan Studies]. De 2015 a 2018, foguèt lo director de l'Aira de Lenga e Universitats de l'Institut Ramon Llull. Autor, demest d'autres, del libre El malestar en la cultura catalana: La cultura de la normalització 1976-1999 (2008) e coeditor (amb Jaume Subirana) de Funcions del passat en la cultura catalana contemporània: Institucionalització, representacions i identitat (2015).

  • Josep Maria López i Llaví

    Barcelona, 1941

    Jornalista collegiat -ara a la retirada- e critic de cinèma pendent fòrça d'annadas. Es estat promotor del cineclubisme en Catalonha e president de la Federacion Catalana de Cinèma-Clubs, dins la que contunha de participar al conselh directiu. Membre del Conselh Executiu de la Plataforma per la Lenga tre 2008, e tanben del Conselh Consultatiu; i trabalha sustot dins las campanhas pel catalan al cinèma.

  • Francesc Marco Palau

    Tarragona, 1989

    Doctorand en Istòria contemporanèa de Catalonha a l'Universitat Autonòma de Barcelona. Licenciat en Istòria a l'Universitat Rovira i Virgili e master en Istòria de Catalonha a l'UAB. A agrandit sos estudis a l'Universitat de Valéncia. trabalha sus tèmas d'ideologia, societat i culturas politicas actualas, e tanben de l'art del sègle XX.

  • Rosa de les Neus Marco Palau

    Tarragona, 1987

    Doctoranda en Comunicacion a l'Universitat Pompeu Fabra. Master en Estudis Transnacionals a l'Universitat de Bremen. A fait d'estatges a la Sorbona, a l'Universitat d'Amborg e a la de Bolònha. Es licenciada en Filologia Catalana per l'Universitat Rovira i Virgili e Gra en Lengas e Literatures Modèrnas per l'Universitat de Barcelona. Se consacra a la recèrca, l'ensenhament e las questions internacionalas.

  • Tomeu Martí Florit

    Palma, 1969

    Jornalista e promotor cultural. Es estat coordinator de l'Òbra Culturala Baleara e a l'ora d'ara gerís la ràdio Ona Mediterrània e lo jornal numeric DBalears. A trabalhat en mejans islencs de premsa escrita e es collaborator de divèrsas publicacions, ràdios e televisions. Sa facieta literària lo menèt escriure un quinzenat de libres, entre poesia e assag.

  • Maria Rosa Mateu i Martínez

    Barcelona 1942

    Regenta d'escòla. Professora de francés per l'Universitat de Tolosa. Licenciada en Filologia Catalana e Postgra de Terminologia per l'UB. De 1966 a 1984 foguèt professora d'adultes e de liceans. De 1988 a 2006 foguèt responsabla del Servici de Lengas e Terminologia de l'UPC.

  • Rosa Monforte i Solà

    Cervelló 1963

    Coordinatora territoriala de la Plataforma per la Lenga del Bais Lhobregat. Licenciada en Filologia Catalana per l'Universitat de Barcelona. Trabalha de tecniciana de Normalitzacion Lingüistica a Sant Andreu de la Barca. Es estada totjorn estacada a d'associacions culturalas e educativas de domèni comarcal e local dins las qu'a participat activament. 

  • Daniel Mundet i Cerdan

    Barcelona, 1974

    Licenciat en Sociologia per l'Universitat Autonòma de Barcelona (UAB) e Master de Gestion Publica per l'UAB, l'UPF e ESADE, es lo director d'una entitat de Leeds (Règne Unit) per al sosten de personas de minorias etnicas sus de questions laboralas. A desvolopat son activitat professionala dins lo domèni de la lenga e la cultura, coma director de la Plataforma per la Lenga, e tanben dins la gestion de projèctes europèus al Centre UNESCO de Catalonha. Faguèt tanben un estatge d'un an al sèti de l'UNESCO a París.

  • Marga Payola i Lahoz

    Palau-solità i Plegamans, 1979

    Responsabla Internacionala de la Plataforma per la Lenga. Licenciada en Arquitectura per l'Universitat Politecnica de Catalonha. Trabalha coma assistenta de l'eurodiputat Ramon Tremosa al Parlament Europèu. Promocion del 2013 del programa Vicens Vives (Lideratge e engatjament civic) a ESADE. A l'ora d'ara estúdia lo master de Direccion d'Entrepresas a la UOC.

  • David Poudevida i Vives

    Barcelona, 1973

    Licenciat en Comunicacion e Direccion d'Entrepresas. Foguèt lo cap del Departament de Comunicacion e Marketing de Bonpreu. President de l'Associacion Catalana de Professionals. Es membre de la Plataforma per la Lenga tre 2012.

  • Isabel Romano i Farran

    Barcelona, 1959

    Representanta al Conselh Executiu de la Comission de Jòc e Léser de la Plataforma per la Lenga. Tecniciana de cultura. Demòra a Arenys de Mar. Es membre de la Plataforma per la Lenga tre 2006. Es estada totjorn engatjada a d'associacions culturalas e de país al nivèl del domèni de la comarca del Maresme, e al nivèl local, a Arenys de Mar, ont i a participat activament.

  • Antoni Royo i Pérez

    Castelló de la Plana, 1954

    Licenciat en Istòria per l'Universitat de Valéncia. Trabalha a la delegacion de Castelhon d'Accion Culturala del País Valencian. A publicat divèrses romans de tematica istorica amb lo pseudonim de Jordi Querol.

  • Diego Sola i Garcia

    Granollers, 1988

    Demòra a Canovelles. Doctor en Istòria Modèrna per l'Universitat de Barcelona (UB), institucion ont faguèt los estudis de mestresa en istòria e lo master en Estudis Istorics. Es professor e investigator postdoctoral dins la meteissa universitat. Escriu en qualques mejans de comunicacion coma divulgator. Membre de la Plataforma per la Lenga tre 2012.

  • Carles Solà i Serra

    Berga, 1964

    Jornalista. Director del programa 30 minuts de TV3. Vice-president de la Mesa per la Diversitat dins l'Audiovisual del CAC e membre de la plataforma Diverscat en Acció. De 2000 a 2004 foguèt lo cap de la seccion de "Societat" a Informatius, e de 2004 a 2017, es estat director del programa Tot un món, dedicat a l'immigracion e la diversitat culturala. Es especialista sul tractament de la diversitat culturala e l'immigracion als mejans de comunicacion catalans e, tre 2011, es membre del Conselh executiu de la Plataforma per la Lenga.