Dralhas de trabalh
L'objectiu dins aqueste domeni es d'aténher la normalizacion plena del catalan dins lo mitan socioeconomic. La nòstra actuacion s'amena especialament a las relacions de consum aital coma a l'imatge extèrn, e als servicis qu'ofrisson las entrepresas als usatgièrs e als consummators. Trabalham de manièra preferenta sus l'atencion orala e escrita, la publicitat, los catalògs e las brocaduras de distribucion, l'etiquetatge, las instruccions e los manuals de produits e servicis, la retolacion e la cartelariá, la megafonia, los sits web, los produïts tecnologics, las aplicacions, los telefòns intelligents, los contractes e d'autres documents parièrs, las listas de prèses en bars e establiments de restauracion e lo paisatge lingüistic davant lo client.
Atencion a entrepresas e consummators
Objectiu: Atendre los planhs e consultas dels ciutadans rapòrt a la siá relacion amb las entrepresas. Sosténer aicestes ciutadans, los informar de lors dreits lingüistics e los conselhar sus la manièra cossí pòdon orientar la lor accion per los far valer.
Ofèrta linguistica en catalan
Objectiu: Metre en egalitat la preséncia del catalan dins l'entorn socioeconomic amb la rèsta de lengas qu'an un pes economic parièr e que son comparablas. Sensibilizar los consummators sul potencial demografic e economic de la comunitat catalanofòna. Far una atencion especiala a l'emplec del catalan en l'etiquetatge e las instruccions dels produits per garantir d'usatges lingüistics plens en catalan. Assegurar l'ofèrta en catalan dins los produits tecnologics nòus per lo situar al nivèl d'autras lengas amb un pes economic parièr e que son comparablas.
Impuls a travèrs lo sector public
Objectiu: Demandar a las administracions d'aplicar, de desvolopar o d'acomplir la legislacion en matèria lingüistica e de menar a tèrme d'iniciativas legislativas que permetan de normalizar la preséncia de la lenga catalana dins lo domeni socioeconomic. Demandar tanben a las administracions d'aplicar la normativa que las concernís a rapòrt dels contractes amb d'entrepresas o de las entrepresas publicas pròprias.
Normativa lingüistica impositiva
Objectiu: Denonciar l'incidéncia legala e impositiva de l'espanhòl sus l'entrepresa e las personas consummatoras a rapòrt de las obligacions que concernisson lo catalan. Ofrir de donadas comparadas amb la situacion d'autras lengas del contèxt internacional.
Informacion a entrepreneires e comerciants
Objectiu: Sensibilizar las entrepresas e los comerciants sus la legislacion en matèria lingüistica e sus las bonas practicas dins cada domeni de relacion amb lo consummator pr'amor qu'apondan la lenga catalana segon los critèris basics d'actuacion e d'aplicacion de la lei.
Sensibilizacion dels consummators
Objectiu: Estendre entre los consummators las valors d'un consum responsable e sostenible, tot en pausant l'accent suls aspèctes lingüistics. Informar als consummators del grèuge que patisson e la situacion legala que los protegís a fin que conescan lors dreits e los pòscan exigir.