Qui sèm?

L'ONG del catalan

La Plataforma per la Lenga es l'ONG del catalan. Sèm una organizacion non-governamentala que trabalha per promòure la lenga catalana coma aisina de coesion sociala. Trabalham dins los divèrses territòris de parla catalana, e amb una amira transversala, suls domènis socioeconomic e audiòvisual, per l'acuelh e l'enrasigament lingüistic dels nòuvenguts, dins las universitats e dins l'educacion e las administracions, demest d'autres domènis d'actuacion.

Los succèsses nombroses qu'avèm obtenguts nos an permés de recebre de reconeissenças coma lo Prèmi Nacional de Cultura 2008 a la Projeccion Sociala de la Lenga Catalana, autrejat per la Generalitat de Catalonha.

Sèm una organizacion non-governamentala que trabalha per promòure la lenga catalana coma aisina de coesion sociala.

A l'ora d'ara comptam amb divèrses grops de trabalh e amb de delegacions territorialas al País Valencian, al Barcelonés, al Maresme, al Bais Lhobregat, al Valhés Occidental, a la ciutat de l'Alguer. Aquò vòl dire que recampam mai de 16.000 personas membres de l'associacion engatjadas per la lenga, aital coma un molon d'associacions que trabalhan en collaboracion amb nosautres per promòure la lenga catalana.

La Plataforma per la Lenga es avalada, en mai, per un Conselh Consultatiu constituit a jorn de uèi per Salvador Cardús, Jordi Font, Josep M. López Llaví, Isidor Marí, Fèlix Martí, Jordi Porta, Jordi Sànchez, Josep M. Terricabras, Miquel Sellarès, Vicenç Villatoro, Isabel-Clara Simó, Miquel Strubell e Abelard Saragossà, e ne faguèron partida los desapareguts Patrícia Gabancho, Albert Manent, Francesc Ferrer i Gironès e Joan Triadú.